KAWANGKOAN, Globalberita.com — Mo suka jadi mekanik handal kong langsung karja abis lulus? SMK Kristen Kawangkoan di bawah naungan Yayasan GMIM Ds. A. Z. R. Wenas buka pintu for ngoni yang suka deng dunia motor. Dorang ajak anak-anak Minahasa daftarkan diri skarang di Jurusan Teknik Sepeda Motor.
Sekolah yang ba tampa di Jalan Raya Kawangkoan Kompleks Monumen Lapian Taulu, Kabupaten Minahasa ini resmi buka Penerimaan Murid Baru Tahun Pelajaran 2026/2027 mulai 4 Mei sampe 3 Juli 2026.
Jurusan Teknik Sepeda Motor SMK Kristen Kawangkoan beking ngoni siap jadi mekanik jago dari bangku SMK. Di sini ngoni mo belajar bongkar pasang mesin dari nol, servis injeksi sampe motor pe napas lancar, stel klep, ganti kampas kopling, cek kelistrikan, sampe scan ECU pake alat. Ada leh pelajaran modif tipis-tipis deng tune up biar motor lebe bertenaga tapi tetap aman.
Guru-guru ajar pake praktek langsung di bengkel lengkap deng motor praktek. Jadi bukang cuma dudu dengar teori di kelas. Tamat nanti ngoni so pegang skill yang bengkel resmi deng dealer-dealer cari.
Kepala SMK Kristen Kawangkoan, Stevie Pangkey, S.Pd, M.Pd, bilang lulusan jurusan ini nda susah cari karja. “Torang pe alumni so banyak yang karja jadi mekanik di dealer, ada leh yang so buka bengkel sandiri. Skarang samua motor so injeksi deng teknologi baru, jadi butuh skali mekanik yang mangarti. Ini kesempatan for anak-anak Kawangkoan,” kata Stevie.
“Jang cuma tau bawa motor, mar mari jo jadi orang yang tau beking motor sehat. Di jurusan ini torang ajar dari cara ganti oli yang butul sampe overhoul mesin. Lulus so ada sertifikat kompetensi BNSP, so ada pengalaman PKL di bengkel resmi. Mo langsung karja boleh, mo buka usaha bengkel sandiri le boleh,” tambah dia.
SMK Kristen Kawangkoan pe program PKL beking siswa siap betul. Kelas 11 mo turun langsung di bengkel mitra. Di sana ngoni mo dapa pengalaman ba hadapan deng pelanggan, bongkar pasang mesin beneran, deng rasa suasana karja di bengkel. Jadi pas lulus so nda gagap, tinggal tunggu ijazah kong gas karja.
Info Pendaftaran:
Datang langsung ke SMK Kristen Kawangkoan di Jalan Raya Kawangkoan Kompleks Monumen Lapian Taulu.
Atau hubungi:
• Ibu Marini: +62 821-9751-4574 • Ibu Meril: +62 858-2785-4782 • Kepsek Stevie Pangkey, S.Pd, M.Pd: +62 852-4014-9498
Jang tunggu lama, kuota terbatas. Daftar skarang jo, kong jadi mekanik handal dari Kawangkoan.
